Во македонскиот КИЦ во Белград и во вистинско репрезентативно и свечено празнување на македонската култура и уметност, вчеравечер беше отворена изложбата „Пресек за скулптурата над“ од нашиот познат скулптор Славчо Спировски. Настанот го отворија и за уметникот зборуваа директорот на КИЦ во Белград, Васко Шутаров, и новинарот од Македонското радио, Тони Цифровски.
Исклучително внимание предизвика и појавувањето на нашиот славен пијанист Симон Трпчески кој специјално за овој повод, дојде по неговиот последен концерт во Лондон на 22 септември.
Изложбата е реализирана со поддршка од македонското Министерство за култура и туризам, а посетителите на КИЦ во Белград ќе можат да ја посетат изложбата до средината на октомври.
