Од 14 до 18 ноември во Скопје ќе се одржи студентскиот театарски фестивал „Скомрахи“, под мотото „Дали ни е гајле?“, на кој ќе настапат студенти од драмски академии од шест земји – Словенија, Србија, Црна Гора, Белгија, Украина и Северна Македонија.
Фестивалот ќе понуди богата програма со театарски претстави, работилници, предавања, разговори со учесниците и музички содржини. Годинава за првпат ќе се реализира и програмата „Скомрахи размени“, која ќе ги поврзе студентите од Факултетот за драмски уметности, Факултетот за ликовни уметности и Архитектонскиот факултет.
Преку театарот и креативната размена, фестивалот отвора актуелни прашања за младите и современото општество.
