Со еден клик до сите услуги

https://uslugi.gov.mk/

Фестивалот на албанскиот театар „Моисиу“ го започнува четвртото издание во Скопје

Фестивалот на албанскиот театар „Моисиу“ го започнува четвртото издание во Скопје

Од 16 до 22 ноември 2026 година, во Албанскиот театар – Скопје се одржува четвртото издание на Фестивалот на албанскиот театар „МОИСИУ“, значаен културен настан кој ги обединува албанските театарски сцени од регионот.

„МОИСИУ“ е копродукција на Албанскиот театар – Скопје, Националниот театар од Тирана и Националниот театар на Косово. Ова институционално партнерство има за цел да ја зајакне соработката меѓу театарските институции и да создаде заедничка платформа за развој и афирмација на сценската уметност.

Фестивалот се организира според принципот на ротација, а оваа година домаќин е Албанскиот театар – Скопје. Годинешното издание на „МОИСИУ“ носи богата уметничка програма со вкупно 10 театарски претстави. Програмата опфаќа разновидни естетски пристапи, современи режисерски концепции и значајни авторски гласови во албанското театарско творештво.

Во текот на седумте фестивалски денови, фестивалот има за цел да го претвори Скопје во значајно место за средби на уметниците, институциите и публиката, создавајќи простор за размена на искуства, уметнички дијалог и градење нови мостови на соработка меѓу театрите.

Мени за пристапност