Специјалното отворање на проектот, со можност публиката да се сретне со светски реномираниот уметник Ибрахим Махама, ќе се одржи денеска (14 октомври) во 18 часот.
Преку поврзување на јутените вреќи и нивното инсталирање на површината на зградата на Музејот, делото истражува како историските настани се вградени во материјалноста на јутените вреќи и како преку оваа инсталација фасадата се преобразува во политичко огледало.
Фасадата на Музејот на современата уметност на Скопското кале деновиве е обвиткана со текстил како дел од претставувањето на реномираниот уметник Ибрахим Махама од Гана. Изложбата ќе трае до 11 ноември. Ова е прво претставување на Махама во Македонија.
