Македонскиот културен центар во Истанбул и Националната галерија на Македонија утре (8 октомври, среда) во 19:00 часот ќе ја отворат изложбата „Простори на конјункција“.
Изложбата „Простори на конјункција“ ги истражува тензијата и симбиозата меѓу интимните лични приказни и колективните културни мемории. Преку графика, цртеж, фотографија, видео, објект и колаж, уметниците нè носат на плуралистичко, критичко и емотивно патување низ спомени, граници и културни матрици.
