Во Културно-информативниот центар на Македонија во Софија вечер од 18:30 часот ќе биде промовирана книгата „Небесна пантомима“ од поетот, есеист и професор Зоран Анчевски, преведена на бугарски јазик од Роман Кисјов. Со оваа книга, Анчевски првпат се претставува пред бугарските читатели.
Изданието е потпомогнато од меѓународната книжевна мрежа ТРАДУКИ.
Во присуство на авторот Анчевски, книгата ќе ја промовираат директорот на КИЦ во Софија, Зоран Пејковски, македонските поети Санде Стојчевски и Весна Ацевска, приредувачот и преведувач на книгата Роман Кисјов и Мартин Христов – управител на бугарската издавачка куќа „Ерго“.