Македонскиот КИЦ во Загреб утре, 19 мај, во 19 часот, со концерт на реномираното трио АПЕРТО, ќе ја отвори концертната програма за оваа година. Триото, во состав Марина Трајковска и Момчило Куфојанакис на виолина и Весна Ангелова Христов на пијано, ќе изведе програма со дела од светската класична музика и современото македонско творештво.
АПЕРТО е препознатливо по својата активна концертна дејност во земјава и во странство, со настапи во Тирана, Истанбул и во Њујорк, а нивната ретка камерна формација – две виолини и пијано – претставува вистинско освежување на концертната сцена. Со овој настан, КИЦ во Загреб продолжува да ја промовира македонската култура и музичка уметност на меѓународен план.
