Во Македонскиот културно-информативен центар во Софија вчера концерт одржа музичкиот состав „Пијано трио“ по повод 20-годишниот јубилеј.
„Пијано трио“, во состав: Татијана Петрушевска (обоа), Марјан Милошевски (фагот) и Петар Макариевски (пијано), изведе програма составена исклучиво од дела на современи македонски композитори: Горан Начевски, Валентина Велковска, Властимир Николовски, Филип Иванов и Вања Николовски-Ѓумар.
На крајот од концертот им беа врачени благодарници „Мостови на културата“, признание за нивниот исклучителен придонес во градењето културни мостови.
