На 20 септември (сабота) од 20:00 часот, на Големата сцена во Театарот „Јордан Хаџи Константинов-Џинот“ – Велес, ќе биде одиграна претставата „Госпоѓа министерка“ од Бранислав Нушиќ. Режијата е на Синиша Евтимов.
Претставата е дел од одбележувањето на големиот јубилеј – 30 години професионална актерска игра на актерката Зорица Панчиќ, која со својата уметничка посветеност и харизма остави неизбришлива трага на македонската сцена.
