Со промоција на монографијата „Ана Липша-Тофовиќ“ од авторите Снежана Анастасова Чадиковска и Александар Трајковски и концерт на израелскиот машки сопран/контратенор Мајан Лихт и полскиот пијанист Пшемен Виницки, денеска ќе биде одбележан 66. роденден на фестивалот „Охридско лето“.
Промоцијата на монографијата ќе се одржи во 19 часот во црквата „Света Софија“ каде што на 4 август 1960 г. оперската примадона Ана Липша-Тофовиќ со солистички рецитал го означи почетокот на фестивалот „Охридско лето“. Инаку, монографијата е посветена на јубилејот – 100 години од нејзиното раѓање (1926 – 2012).
Роденденскиот концерт на Мајан Лихт и пијанистот Виницки, пак, ќе се одржи во црквата „Света Софија“ од 21 часот.
