Вечер, во 19:30 часот, во Центарот за култура во Битола ќе се одржи премиерата на филмот „Приказната за Силјан“, на режисерката Тамара Котевска. На настанот ќе присуствува и дел од филмската екипа: режисерката Тамара Котевска, монтажерот Мартин Иванов и продуцентот Јорданчо Петковски.
По проекцијата, публиката ќе има уникатна можност да учествува во дискусија со креативниот тим, да поставува прашања и да дознае повеќе за процесот на снимање и концептот зад филмот.
Премиерата ветува искуство кое ќе ја збогати вечерта на љубителите на кинематографијата и ќе ги воведе во светот на „Силјан“ на еден поинаков и интригантен начин.