Вечерва, со почеток во 20.00 часот, во рамките на „БИТ ФЕСТ“ 2026, во Центарот за култура – Битола ќе биде изведена претставата „Бегалка“ од Васил Иљоски, во режија на Дамјан Димовски, во продукција на НУЦК „Антон Панов“ – Струмица.
Сценографијата и костимите се дело на Благој Мицевски, музиката е на Александар Димовски, а дизајнот на плакатот и рекламниот материјал е на Ване Костуранов.
Во претставата настапуваат: Стојан Велков – Трн, Танкица Стојанова, Анкица Бенинова, Јасмина Вучкова, Васка Ангелова, Михаил Велков и Игор Тодоров.
Со ова гостување, НУЦК „Антон Панов“ – Струмица продолжува достојно да ја претставува македонската театарска уметност на домашните фестивалски сцени.
