Министерот за култура и туризам, Седат Сулејмани, го одржа првиот состанок со претставниците на синдикатите СКРМ и СОНК. Средбата се одржа во позитивна атмосфера, а во фокусот на разговорите беа Законот за култура и Колективниот договор.
На состанокот учествуваа и претставници од Министерството за финансии, како и претставникот на Владата, проф. д-р Лазар Јовевски, експерт по трудово право.
Министерството за култура и туризам останува посветено на отворен дијалог и соработка со синдикатите, со цел унапредување на условите за работа во културата и изнаоѓање заеднички решенија во интерес на вработените и институциите.