Министерот за култура и туризам Седат Сулејмани одржа состанок со претседателката на СКРМ, Вера Атанасовска на кој беше изразена заедничка волја за отворен и конструктивен дијалог за сите прашања важни за вработените во културата.
На средбата беа разгледани актуелните предизвици и беше договорено формирање на две работни групи за колективниот договор и за Законот за култура, во кои ќе бидат вклучени претставници на СКРМ и Министерството.
Средбата претставува важен чекор кон воспоставување редовен и конструктивен дијалог и кон заедничко креирање решенија во интерес на културните работници и унапредувањето на културата.
