Министерот за култура и туризам денеска оствари средба со Н.е, амбасадорот на Република Чешка во Република Северна Македонија, г. Јарослав Лудва.
На средбата беше реализиран конструктивен разговор за можностите за продлабочување на соработката меѓу Република Северна Македонија и Република Чешка во областа на културата и туризмот.
Во фокусот на разговорите беа зајакнувањето на институционалната соработка, реализацијата на заеднички проекти, размената на искуства и промоцијата на културните вредности, со цел натамошно унапредување на билатералните односи.
Министерот изрази благодарност за поддршката и подготвеноста на Република Чешка за продолжување на успешната соработка, нагласувајќи дека Министерството за култура и туризам останува посветено на градење одржливи меѓународни партнерства кои придонесуваат за развојот на културата и туризмот, како и за зајакнување на пријателските односи меѓу двете земји, во интерес на нивните граѓани.
