Со концертот „Класика РеСтарт“, вчера (2.10.2025 г.) започна новата концертна сезона на Македонската филхармонија. На концертот настапи врвниот колумбиски виолончелист Сантјаго Канон Валенсија, а диригент беше маестро Јерухам Шаровски. На програмата беа дела од Бете Илин, Едвард Елгар и Антонин Дворжак.
Оркестарот на Македонската филхармонија и во сезоната 2025/2026, на 28 октомври ќе гостува во Виена каде што како солисти ќе настапат Ана и Игор Дурловскиа.
Роденденскиот концерт е на 27 ноември со врвниот ерменски виолинист Сергеј Хачатријан, а ќе настапат и виолистот Александар Земцов, виолинистите Теди Папаврами, Ава Бахари, Шкељзен Доли, харфистката Анелин Ленеартс, пијанистите Ендру фон Ојен и Алим Беисембајев, како и еден од најдобрите виолинисти во моментов – Нинг Фенг од Кина.
Освен симфониските концерти, публиката ќе има можност да проследи и интересни камерни концерти, како и симфониски концерти, наменети за најмладата публика.
