Со настанот „Во светлината на слободната“, вчеравечер во Македонскиот културно-информативен центар во Софија беше одбележан 23 Октомври – Денот на македонската револуционерна борба, посветен на идеалите за слобода и историското дело на македонските револуционери.
На настанот се обрати директорот на Центарот, проф. д-р Зоран Пејковски, а за историскиот контекст и македонското револуционерно движење говореше проф. д-р Михајло Марковиќ. Посебен акцент беше ставен на Даме Груев, еден од основачите на Македонската револуционерна организација, по повод 155 години од неговото раѓање и 120 години од неговата смрт.
Со ова одбележување, Македонскиот КИЦ во Софија ја продолжува својата посветеност на афирмацијата на македонската историја, култура и традиција.