Министерот за култура и туризам Седат Сулејмани денеска (26 октомври) во 19:00 часот во Македонскиот народен театар ќе присуствува и ќе се обрати на Свечената академија по повод одбележувањето на 100-годишниот јубилеј на Природонаучниот музеј на Македонија.
Во рамките на свеченоста ќе бидат доделени плакети и благодарници на соработници, институции и компании кои оставиле значаен белег во развојот на Музејот.
Сто години постоење на Музејот сведочат за неговиот значаен придонес во истражувањето, документирањето и зачувувањето на природното наследство на Македонија, како и во научното истражување и едукацијата за значењето на заштитата на природата во нашата земја.