Денеска во 12:00 часот во Спомен-собата при НУ ЦК „Ацо Шопов“ – Штип ќе се одржи културниот настан „Во чест на поетот“, по повод одбележувањето 102 години од раѓањето на Ацо Шопов. Настанот е посветен на животот и творештвото на еден од најзначајните македонски поети и неговиот траен придонес во македонската култура и литература.
Во програмата на настанот е предвидена промоција на книгата „Вообразби – лирски етиди за некој друг свет“ од Бранко Цветкоски, со промоторот епископ дремвитски Давид (Нинов), како и доделување признание на авторот Бранко Цветкоски за неговиот значаен придонес во афирмацијата и популаризацијата на ликот и делото на Ацо Шопов.
Настанот има цел да придонесе кон континуирано негување на културната меморија, поетската традиција и вредностите на македонската книжевност.
