Театарот „Војдан Чернодрински“ при НУ ЦК „Марко Цепенков“ – Прилеп вечер, 10.7.2025 г., гостува во Вевчани, каде што во рамките на „Вевчанско лето 2025“, во Домот на културата од 20:00 часот, ќе ја изведе претставата „Чиста куќа“ од Сара Рул, во режија на Тамара Стојаноска.
„Чиста куќа“ е последна премиера на театарот и е претстава што раскажува длабока човечка приказна за животот и смртта, преку пет различни, но меѓусебно испреплетени ликови.
Играат актерите: Даниела Иваноска, Наташа Ачански, Катерина Чакмакоска-Клинческа, Јасмина Мицовска Станкоска и Димитар Ѓорѓиевски.
