Меѓународниот театарски фестивал „Скупи фестивал“ го заокружи своето 20. јубилејно издание, што се одржа од 10 до 17 октомври во Албанскиот театар во Скопје, со осум продукции од регионот и од Европа.
Наградата за најдобра претстава ја освои „Тие веќе ги нема“ од Дорунтина Баша, во режија на Андреј Носов, а актерката Мирјана Карановиќ ја доби наградата „Луран Ахмети“ за улогата во истата претстава. Специјалната награда за актерски ансамбл ѝ припадна на екипата на „Unrecognized“, додека Бујар Ахмети беше награден за актерската игра во претставата „Гнасотија“.
На фестивалот беа претставени продукции од Косово, Албанија, Полска, Молдавија, Турција, Бугарија и од Србија, потврдувајќи ја неговата улога во развојот на меѓународната културна соработка и современиот театар.