Во фоајето на Македонскиот народен театар денеска напладне ќе се одржи промоција на монографијата „Македонски народен театар 1945 – 2025 драма: Приказни поголеми од времето“. Уредник на изданието е д-р Ивана Јарчева, кустос.
Изданието ги слави 80 изминати години поминати во креативна работа, развој и успеси. Низ фотографии, плакати и скици и приказните на дел од личностите кои биле и се дел од МНТ, се раскажува историјата на Театарот и на сите оние чинители што го направија Театарот она што е денес.