Националната установа Ансамбл за народни игри и песни „Танец“ в четврток (20.11.2025 год.) од 18:00 часот во просториите на новата мултимедијална читалница во НУ НУБ „Св. Климент Охридски“ – Скопје ќе одржи монографска презентација на архивската граѓа од архивот на Ансамблот.
Ова значајно издание, што го трасира богатиот пат и наследство на „Танец“ во текот на седум и пол децении, претставува ризница на документи, фотографии и сведоштва за неговата културна мисија како најзначаен презентер на македонското фолклорно творештво.