Во Ликовната галерија на Центарот за култура „Марко Цепенков“ во Прилеп вчеравечер беше отворена изложбата „Градот во мене“ на академскиот уметник, м-р Александар Џинго.
На отворањето, актерката Марија Спиркоска Илиеска се осврна на творештвото на Џинго, додека Бранче Трајкоски го претстави најновиот циклус, истакнувајќи ја комбинацијата на академскиот реализам и современата апстракција, како и разновидноста на употребените техники.
Џинго има реализирано повеќе самостојни и групни изложби, учествувал на ликовни колонии, а работи и театарска сценографија и костимографија.
Изложбата е поддржана од Министерството за култура и туризам.
