Известуваме дека Одборот за доделување на државната награда „Мето Јовановски“ распиша Конкурс за доделување на државната награда „Мето Јовановски“ за 2025 година.
Со државната награда „Мето Јовановски“ се оддава највисоко признание за долгогодишни остварувања во областа на промоцијата, заштитата и унапредувањето на човековите права. Државната награда им се доделува на поединци, здруженија на граѓани, неформални групи и други правни субјекти.
Исто така, Одборот за доделување на државната награда „Мито Хаџи Василев-Јасмин“ распиша Конкурс за доделување на државната награда „Мито Хаџи Василев-Јасмин“ за 2025 година.
Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството. Државната награда им се доделува на поединци, група творци, екипи, установи, трговски друштва и здруженија на граѓани.
Конкурсите за државните награди „Мето Јовановски“ и „Мито Хаџи Василев-Јасмин“ за 2025 година траат од 1 до 31 октомври 2025 година.