Почитувани,
Ве известуваме дека министерот за култура и туризам Зоран Љутков, заедно со делегација од Германскиот археолошки институт од Берлин, СР Германија, и од Музејот на град Скопје, денес, 19.8.2025 година (вторник), во 10:00 часот ќе го посети археолошкиот локалитет Скупи.
Во рамките на посетата ќе биде потпишан Меморандум за соработка меѓу Министерството за култура и туризам и Германскиот археолошки институт – меѓународнa истражувачка институција под надлежност на Федералното министерство за надворешни работи на Германија.
На настанот ќе биде потпишан и Договор за соработка меѓу Германскиот археолошки институт, кој има долгогодишна традиција во вршење археолошки истражувања на најзначајните археолошки локалитети во светот, и Музејот на град Скопје.
По потпишувањето, предвидени се изјави за медиуми.
Го покануваме вашиот медиум да ги проследи изјавите.
Со почит,
Министерство за култура и туризам