Со претставата за деца „Лисицата во басните“, националната установа Албански театар за деца и млади на 4 септември во 12:00 часот ќе се претстави во Туз, Црна Гора. Претставата е во режија и адаптација на Драган Довлев, мајстор на кукли е Кирил Василев а сценографијата е на Енес Деари.
Во претставата настапуваат Мелика Кастрати, Деа Пајазити, Дениз Рустеми, Флакрон Алији и Илир Речи.
Учеството на фестивалот во Црна Гора се реализира со поддршка на Министерството за култура и туризам и претставува уште една можност за меѓународна промоција на творештвото на Албанскиот Театар за Деца и Млади – Скопје и за размена на искуства со куклените театри во регионот.
