Во Македонскиот културен центар во Истанбул на 19 декември (петок) во 19:00 часот ќе се одржи концерт на квартетот тромбони „Макбрас“, еден од најистакнатите македонски камерни ансамбли. Концертот ќе биде реализиран со пијано-придружба на Маријана Николoвска.
Публиката ќе има можност да слушне внимателно избрана програма со дела од Давид Фердинанд, Семи Нестико, Благој Цанев, Џорџ Гершвин, Франсоа Гуин, Лени Нихаус, Георг Лохман, Астор Пјацола и Бил Холкомб, програма која ги поврзува класичниот концертен израз, џезот и современата музика.