Театар Комедија на 28 мај со почеток во 20 часот премиерно ќе ја изведе претставата „Избраниот“, работена по текст на Ева Камчевска, а во режија на Јане Спасиќ.
Претставата е апсурдна комедија што ја следи приказната за тричлено семејство кое живее во рудиментарна средина и се подготвува да му ја открие „вистината“ на својот син единец за неговата посебност.
Во претставата играат: Тони Денковски, Жаклина Петровска, Виктор Арсов, Сергеј Димоски, Елена Кузманов и Ангела Лефкова. Сценографијата е на Мери Батакоја, а костимографијата на Ивана Каранфиловска-Угуровска.
