Под мотото „Невозможните нешта“, од денеска до 29 септември во Скопје ќе се одржи 14. издание на Младинскиот филмски фестивал „Џифони Македонија“.
Годинава фестивалот ќе понуди повеќе од 80 долгометражни и краткометражни филмови, осум работилници и учество на над 400 млади, меѓу кои и околу 30 гости од Италија, Данска, Романија, Србија и од Косово.
Натпреварувачката програма ќе биде отворена со македонскиот филм „Скејтбордингот не е за девојчиња“ на Дина Дума, а се предвидени и средби на младите со филмски автори. Новитет годинава е работилницата „ЕКО ЛАБ“, посветена на рециклирањето и креативната употреба на отпадот.
