По повод 80-годишнината од основањето, Драмскиот театар ја најавува својата најнова премиера. На 21 април ќе се одржи праизведбата на претставата „Мачкина глава“ од Венко Андоновски, во режија на Дејан Пројковски.
Ликови и актерска екипа во претставата „Мачкина глава“ се: Спиридон – Рубенс Муратовски, Марија – Биљана Драгиќевиќ-Пројковска, Ѕвездан – Филип Трајковиќ, Симон – Александар Степанулески, Сара – Сара Климоска, Џорџ – Игор Ангелов, Мериен – Сања Арсовска, Штерјо – Златко Митрески и Панзо – Предраг Павловски.
Претставата ќе има и репризни изведби на 25 и на 30 април, со почеток во 20 часот.