Драмскиот театар од Скопје вечер премиерно ќе ја изведе претставата „Болва в уво“ од францускиот комедиограф Жорж Фејдо, во режија на Синиша Евтимов, кој е автор и на адаптацијата на текстот. Со оваа, петта премиера, Драмски театар – Скопје ја завршува продукцијата во 2025 година.
„Болва в уво“ на сцената на Драмски се поставува повторно по пауза од над 30 години. Претходната, премиерно изведена во 1974 г. во режија на Димитрие Османли, имала 453 изведби – најмногу одиграни на сцената на овој театар.
Во претставата играат: Дениз Абдула (кој игра две улоги), Ања Митиќ, Марјан Наумов, Лазар Христов, Игор Стојчевски, Стефан Вујисиќ, Нина Елзесер, Владимир Петровиќ, Рубенс Муратовски, Катерина Шехтанска, Томислав Давидовски, Јована Спасиќ, Петар Стојковиќ и Ивана Павлаковиќ.
Сценограф е Мартин Манев, костимограф Раде Василев.