Детскиот фестивал на песни „Блетезат 2026“, во организација на Радио Блета, ќе се одржи вечер од 18 часот во Центарот за култура „Ило Антески-Смок“ во Тетово.
На 32. издание на фестивалот, што се одржува на албански јазик, ќе бидат претставени 18 нови детски композиции, во изведба на млади музички таленти.
Фестивалот има натпреварувачки карактер, а за наградите ќе одлучува жири-комисија која ќе ги избере најдобрите изведби. Покрај афирмацијата на детските музички таленти, манифестацијата има цел да ги поттикне детското музичко творештво и создавањето нови песни на албански јазик.
„Блетезат“ се организира од 1994 година и досега има промовирано околу 500 детски песни, со соработка на голем број автори, композитори и продуценти од земјава и регионот.
