Агенцијата за филм и „Синеплекс“ продолжуваат со проектот „Македонски филм. На големо платно.“, кој ова лето носи богата програма со бесплатни проекции на македонски филмови.
Во текот на јули и август, секој понеделник од 19:00 часот, во „Синеплекс“ публиката ќе може да проследи внимателно избрана селекција од долгометражни, омнибус, кратки играни и анимирани филмови. Влезот е бесплатен, по принципот „прв дојден, прв услужен“, без претходна резервација на билети.
