На малата сцена во Македонскиот народен театар на 19 јули со почеток во 20:30 часот, во рамките на фестивалот „Скопско лето“, ќе се одигра премиерата на претставата „Лов на дива свиња“ од црногорската современа писателка Марија Сарап, а во режија на Наташа Поплавска.
По потпишувањето на меморандумот за соработка, претставата ќе се реализира со копродукција меѓу Македонскиот народен театар, Градски театар од Подгорица и Здружението за развивање уметност и културна соработка „Арт медиа“ од Скопје. Во претставата учествува актерска екипа од двете земји: Ана Стојановска, Искра Ветерова-Славенска и Мина Јелушиќ-Јериниќ од Македонија, како и Ѓоргије Татиќ и Вукан Пејовиќ од Црна Гора. Премиерната изведба во Подгорица, Црна Гора, е планирана за септември.