Во Прилеп денеска почнува 15. јубилејно издание на „Прилеп џез-викенд“, што ќе се одржува до 3 октомври во киносалата на Центарот за култура „Марко Цепенков“.
На првата фестивалска вечер ќе настапат Глигор Кондовски и Дориан Јовановиќ од 21 часот, а од 22:30 часот „Sethstat“. Во наредните две вечери ќе настапат „Џез за чудаци“, „Пијан Славеј“ и „Peach vice“.
Фестивалот веќе 15 години го промовира современиот македонски џез и оригиналната музичка продукција, создавајќи простор за различни музички изрази и нови звучни истражувања. Јубилејното издание носи три фестивалски вечери посветени на импровизацијата, ритамот и слободниот музички израз.
