Отворањето на изложбата посветена на Кирил Трајковски ќе се одржи во Археолошкиот музеј утре (29 април) во 14:00 часот. Изложбата е реализирана во соработка со Фондацијата „Кирил Трајковски“ од Лондон и содржи предмети избрани од кураторите Ана Јорданова Дубровска и Филип Аџиевски.
Поставката претставува значаен чекор кон валоризација и доближување на средновековното културно наследство до јавноста, со фокус на локалитетите Мородвис и Кожле.
Проектот е поддржан од Министерството за култура и туризам, а изложбата е и омаж на долгогодишната работа на археологот Кирил Трајковски. Соработката меѓу Музејот и Фондацијата отвора ново поглавје во промоцијата на културното наследство.
