Во салата на Македонската филхармонија во Скопје вчеравечер се одржа концертот „Цветна симфонија (Flowers Symphony)“.
На сцената настапија: Јаворка Витанова, Зана Абази Рамадани (Косово) и Виолета Арсовска. Гости на вечерта беа Полина Тасева и Камелија Дукова (виолина).
Во текот на вечерта беа изведени композициите: „Caruso“, „Time to Say Goodbye“, „O Sole Mio“, „Parla più piano“, „Flower Duet“ и други канцони во симфониска обработка. Секоја изведба беше дочекана со бурни реакции и долги аплаузи од публиката, особено „Time to Say Goodbye“ и „O Sole Mio“.