Вчеравечер, во рамките на одбележувањето на 80 години Драмски театар Скопје, беше изведена комедијата „Чудесна терапија“ во амфитеатарот позади Спомен-куќата на Мајка Тереза.
Пред многубројната публика, актерската екипа донесе вечер исполнета со хумор, остри реплики и ситуации во кои многумина се препознаа. Претставата уште еднаш потсети дека најпредизвикувачките животни натпревари често се оние што се играат во рамките на семејството и домот.
Настанот беше дел од јубилејната програма на Драмски театар Скопје и привлече голем број љубители на театарската уметност, кои уживаа во одличната атмосфера и актерските изведби.
