Institucioni Kombëtar “Tanec” dhe ansambli kroat “Lado” do të mbajnë dy koncerte të përbashkëta, duke prezantuar traditën e pasur folklorike maqedonase dhe kroate.
Koncertet do të mbahen më 8 korrik në lokalitetin antik Heraklea në Manastir dhe më 10 korrik në Operën dhe Baletin Kombëtar në Shkup.
Publiku do të ketë mundësinë të shijojë koreografi të nivelit të lartë, kostume autentike popullore, interpretime orkestrale dhe vokale në një ndërthurje unike të dy institucioneve të njohura folklorike.
Biletat janë në numër të kufizuar dhe mund të sigurohen përmes rrjetit të shitjes së kupikarta.com.
