Agjencia e Filmit dhe “Cineplexx” vazhdojnë me projektin “Filmi maqedonas. Në ekranin e madh.”, i cili këtë verë sjell një program të pasur me projeksione falas të filmave maqedonas.
Gjatë muajve korrik dhe gusht, çdo të hënë nga ora 19:00, në “Cineplexx” publiku do të mund të ndjekë një përzgjedhje të kujdesshme të filmave artistikë me metrazh të gjatë, filmave omnibus, filmave të shkurtër artistikë dhe filmave të animuar. Hyrja është falas, sipas parimit “i pari që vjen, i pari shërbehet”, pa rezervim paraprak të biletave.
