Me tre premiera të spektaklit skenik “Dielli, sa afër është dielli – Made in TKM”, në regji të Dejan Projkovski, TKM do të shënojë 80 vite ekzistencë.
Dje në TKM u prezantua koncepti i ngjarjes, premiera e së cilës është caktuar për 29 dhjetor, 15 dhe 16 janar, në skenën e madhe të TKM. Shfaqja do të ofrojë një udhëtim audiovizual përmes dramaturgjisë, poezisë, prozës dhe artit pamor maqedonas.
Spektakli skenik bashkon të kaluarën dhe të tashmen e teatrit përmes vlerave kyçe, si: dashuria për teatrin, guximi artistik, përkushtimi, vizioni, puna në ekip, ruajtja e traditës dhe krijimi i vlerave të reja për të ardhmen.
Në projekt marrin pjesë ansambli i Teatrit Kombëtar Maqedonas, artistë operistikë, si dhe studentë të aktrimit dhe aktorë nga Fakulteti i Arteve Dramatike dhe nga “Europa Prima”. Shfaqja kombinon disa mjete shprehëse me theks të veçantë në 3D-videomapping, që, siç theksojnë nga Teatri, krijon një përjetim skenik vizual dhe emocional shumë të fuqishëm.
