Kinoteka e Maqedonisë ka njoftuar një program të pasur për muajin janar, në vitin kur shënon 50 vjet nga themelimi.
Programi i Kinotekës së Maqedonisë për janarin e vitit 2026 paraqet një tërësi të menduar me kujdes dhe me përmbajtje të pasur, që edhe një herë e konfirmon rolin e këtij institucioni si themel i kulturës filmike, edukimit dhe mendimit kritik në vend.
Vend të veçantë në program zënë njësitë tematike “Kino mëngjesi”, me projeksione të filmave të animuar të dedikuar për publikun e ri, me qëllim që kinemaja t’u afrohet si art dhe përvojë që nga mosha më e hershme. Përmes këtyre projeksioneve, Kinoteka ndërton aktivisht publikun e ardhshëm dhe forcon lidhjen mes të rinjve dhe mediumit filmik.
Në përzgjedhjen e janarit përfshihen edhe përmbajtje të zgjedhura nga festivali “Kinenova”, që sjellin perspektiva të freskëta autoriale dhe praktika bashkëkohore filmike, si dhe projeksione të realizimeve dokumentare të rëndësishme, mes tyre “Jugo Florida” dhe “Fank Ju”, filma që me qasje të angazhuar dhe analitike hapin çështje kulturore dhe shoqërore të rajonit.