Edicioni i parë i programit “Mbrëmjet e xhazit”, në kuadër të “Verës së Ohrit”, do të mbahet nga 13 deri më 16 gusht, me gjashtë koncerte të muzikantëve të njohur vendas dhe të huaj.
Më 13 gusht, në “Shën Sofia”, do të performojë Krste Roxhevski, i cili do të promovojë albumin “Orthodoxia Kai Thanatos”, ndërsa më pas, në oborr, do të performojë Dine Donef me trion e tij.
Më 14 gusht, në skenën “Dolni Saraj”, do të performojë Orkestra Nacionale e Xhazit me programin “Ëndërrime maqedonase”, me të ftuarin special, trumpetistin Piter Somua.
Më 15 gusht, Somua do të performojë me bendin e tij, pas së cilës do të vijojë koncerti i saksofonistes britanike Nubaja Garsija.
Programi më 16 gusht do të përfundojë me performancën e grupit britanik “Kiioto”, të udhëhequr nga Lu Rouds dhe Roan Hit.
Kur ka dy koncerte brenda një mbrëmjeje, bileta vlen për të dyja ngjarjet.
