Nga 18 deri më 25 gusht 2026, Qendra e Kulturës “Marko Cepenkov” do të realizojë edicionin e 18-të të kolonisë së artit “Marko Cepenkov – Dren 2026”.
Këtë vit në koloni do të krijojnë Damjan Gjurov, Nikola Pijanmanov, Marjan Stojanoski, Slobodan Millosheski, Ozbek Ajvaz, Sllavço Pavleski dhe Emil Soleski, të cilët do të realizojnë skulptura monumentale të dedikuara për hapësirat publike.
Kolonia është pjesë e programit vjetor të Qendrës së Kulturës “Marko Cepenkov” në fushën e arteve pamore dhe mbështetet nga Ministria e Kulturës dhe Turizmit, ndërsa këtë vit për herë të parë mbështetet edhe nga Komuna e Prilepit.
Edicioni i 18-të vë theks të veçantë në skulpturën monumentale dhe rëndësinë e saj në hapësirën publike, me synim krijimin e veprave të qëndrueshme artistike që do ta pasurojnë ambientin kulturor dhe identitetin e qytetit.
Me realizimin e kolonisë, Qendra e Kulturës “Marko Cepenkov” vazhdon traditën e kësaj ngjarjeje të rëndësishme artistike dhe kontributin në zhvillimin e krijimtarisë bashkëkohore pamore dhe jetës kulturore në Prilep.
