Vazhdojnë projeksionet falas të filmave maqedonas në “Cineplexx”, çdo të hënë me fillim në orën 19:00. Në kuadër të programit, publiku do të ketë mundësi të ndjekë një përzgjedhje të filmave të rëndësishëm artistikë dhe dokumentarë maqedonas dhe t’i përjetojë sërish krijimet filmike vendase në ekranin e madh.
Programi fillon më 24 gusht me “Kur dita nuk kishte emër” të Teona Strugar Mitevskës, ndërsa vazhdon me “Pjesa e tretë” të Darko Mitrevskit, “Nata e mjaltit” të Ivo Trajkovit dhe “Tri ditë në shtator” të Darijan Pejovskit. Më 14 shtator do të shfaqet bllok filmash dokumentarë, i përbërë nga “Rrobaqepëset” e Biljana Garvanlievës, “Zotërinjtë nga bashkëkohorja” e Ana Aleksovskës dhe “Antigona” e Iber Dearit.
Hyrja për të gjitha projeksionet është falas dhe nuk nevojitet rezervim paraprak. Vendet sigurohen sipas parimit “i pari që vjen, i pari shërbehet”.
Kjo është mundësi e shkëlqyer për adhuruesit e filmit që të rikujtojnë disa nga krijimet më mbresëlënëse filmike vendase dhe ta ndjekin kinematografinë maqedonase në sallën e kinemasë, në ekranin e madh.
