Ministria e Kulturës dhe Turizmit shpalli Konkurs për financimin e përkthimit dhe botimit të veprave të autorëve maqedonas në gjuhë të huaja për vitin 2026/2027

Ministria e Kulturës dhe Turizmit shpalli Konkurs për financimin e përkthimit dhe botimit të veprave të autorëve nga Republika e Maqedonisë së Veriut në gjuhë të huaja për vitin 2026/2027. Konkursi përmban buxhet të përcaktuar qartë, kushte, masa dhe kritere të përcaktuara qartë, të cilat do të sigurojnë model më transparent të mbështetjes, barazi dhe menaxhim të përgjegjshëm të mjeteve buxhetore. Qëllimi i Konkursit është të nxitet afirmimi ndërkombëtar i letërsisë maqedonase, të rritet qasshmëria e autorëve vendas për lexuesit e huaj dhe të avancohet bashkëpunimi kulturor me botuesit ndërkombëtarë. Të drejtë pjesëmarrjeje kanë ekskluzivisht botuesit e huaj, veprimtaria e të cilëve përfshin botimin e librave. Me Konkursin do të mbështeten përkthimi dhe botimi i prozës artistike, poezisë, dramës, eseve, letërsisë për fëmijë, si dhe antologjive dhe përzgjedhjeve të tjera letrare të dedikuara për rreth më të gjerë të lexuesve. Ministria do të marrë pjesë në financimin e shpenzimeve për përkthimin e veprave të përzgjedhura, me shumën më të lartë të mbështetjes deri në 300.000 denarë për projekt, ndërsa shpenzimet për shtypje, promovim dhe shpërndarje nuk janë objekt financimi. Konkursi është i hapur gjatë gjithë vitit, ndërsa komisioni profesional do t’i shqyrtojë aplikimet e pranuara në dy afate: në tetor 2026 dhe në mars 2027. Aplikimet dhe dokumentacioni shoqërues dorëzohen në formatin PDF në adresën elektronike: translation@kultura.gov.mk. Konkursi për financimin e përkthimeve të veprave përfaqësuese dhe cilësore të letërsisë maqedonase në gjuhë të huaja, i themeluar në vitin 2013, paraqet instrument të rëndësishëm për promovimin ndërkombëtar të letërsisë maqedonase dhe afirmimin e autorëve vendas jashtë vendit. Me këtë masë, Ministria e Kulturës dhe Turizmit mbetet e përkushtuar ndaj mbështetjes së letërsisë maqedonase dhe afirmimit të saj ndërkombëtar, në një mënyrë që do të sigurojë ligjshmëri, llogaridhënie dhe mbështetje të vërtetë për veprat dhe projektet që kanë vlerë reale kulturore dhe rëndësi për promovimin e letërsisë maqedonase jashtë vendit. Më shumë informacione dhe dokumentacioni i Konkursit janë në dispozicion në ueb-faqen e Ministrisë së Kulturës dhe Turizmit:

KONKURS PËR FINANCIMIN E PËRKTHIMEVE DHE BOTIMIN E VEPRAVE TË AUTORËVE NGA REPUBLIKA E MAQEDONISË SË VERIUT NË GJUHË TË HUAJA PËR VITIN 2026/2027 - Konkurse të Tjera - Konkurse - Ministria e kulturës dhe turizmit - Republika e Maqedonisë së Veriut