Me shfaqjen për fëmijë „Dhelpra në fabula“, Institucioni Nacional Teatri Shqiptar për Fëmijë dhe të Rinj, më 4 shtator në ora 12:00, do të prezantohet në Tuz, Mal të Zi. Shfaqja është me regji dhe adaptim të Dragan Dovlevit, mjeshtër i kukullave është Kiril Vasilev, ndërsa skenografia është e Enes Dearit.
Në shfaqje interpretojnë Melika Kastrati, Dea Pajaziti, Deniz Rustemi, Flakron Aliji dhe Ilir Reçi.
Pjesëmarrja në festivalin në Mal të Zi realizohet me mbështetjen e Ministrisë së Kulturës dhe Turizmit dhe paraqet edhe një mundësi për promovimin ndërkombëtar të krijimtarisë së Teatrit Shqiptar për Fëmijë dhe të Rinj – Shkup, si dhe për shkëmbimin e përvojave me teatrot e kukullave në rajon.
