Më 13 korrik, në Qendrën Kulturore-Informative Maqedonase në Beograd u mbajt koncerti “Magjia e notave të korrikut” i kitaristit të ri Kosta Davçevski. Para publikut të shumtë, muzikanti katërmbëdhjetëvjeçar, i cili konsiderohet si një nga kitaristët e rinj më të vlerësuar në Serbi, u prezantua me një program që konfirmoi talentin e tij të jashtëzakonshëm, pjekurinë muzikore dhe virtuozitetin.
Koncerti është pjesë e projektit të ri të Qendrës Kulturore-Informative Maqedonase në Beograd dhe Ministrisë së Kulturës dhe Turizmit për mbështetjen dhe afirmimin e talenteve të rinj muzikorë që mësojnë, studiojnë ose jetojnë në Republikën e Serbisë.
Me njohjet e shumta vendore dhe ndërkombëtare, si dhe me paraqitjet në festivale prestigjioze dhe skena koncertale në Serbi dhe rajon, Kosta Davçevski renditet ndër kitaristët klasikë të rinj më premtues të gjeneratës së tij.
