Shfaqja “Anna”, me regji të Nina Nikoliqit, fitoi Çmimin e Madh – vlerësimin më të lartë në edicionin e 27-të të Festivalit Ndërkombëtar të Teatrit Kameral “Luani i Artë” në Umag, një nga festivalet më të rëndësishme kushtuar teatrit kameral në rajon. Në festival, aktorja Maja Llutkov fitoi çmimin për rolin më të mirë kryesor femëror për interpretimin e personazhit të Annës.
Juria vlerësoi interpretimin bashkëkohor dhe thellësisht të menduar të Llutkovit, si dhe regjinë e fuqishme të Nina Nikoliqit dhe adaptimin mbresëlënës bashkëkohor të veprës klasike “Ana Karenina”, e cila trajton temat e lirisë, pushtetit dhe presioneve shoqërore në kohën e sotme digjitale.
Pas paraqitjes së suksesshme në Umag, shfaqja “Anna” do të marrë pjesë edhe në Festivalin Ndërkombëtar të Dramës Kamerale “Risto Shishkov” në Strumicë, ndërsa shfaqja e radhës në repertorin e rregullt të Teatrit Komedia është caktuar për më 23 shtator 2026.
